Vetrarþjónusta

Vegagerðin sér um allan snjómokstur á þjóðvegum og greiðir allan kostnað við mokstur þeirra leiða sem sýndar eru á vetrarþjónustukorti Vegagerðarinnar og í samræmi við þær reglur sem þar gilda.

A regla — 7 daga í viku

B Regla – 6 daga í viku

C Regla – 5 daga í viku

D Regla – 4 daga í viku

E Regla – 3 daga í viku

F Regla – 2 daga í viku

G Regla – 2 daga í viku vor og haust

Heimilt er að moka tvo daga í viku haust og vor á meðan snjólétt er.

Hausttímabil er skilgreint til 1. nóvember og vortímabil frá 20. mars.
Það telst vera “snjólétt” samkvæmt reglum þessum þegar um er að ræða lítið snjómagn og færðarástand telst hvergi ófært, þungfært eða þæfingur á viðkomandi leið og þegar þjónustuaðgerðin felst eingöngu í hreinsun akbrautar með snjómokstursbíl.
Heimilt er að moka vegi sem falla undir G-reglu einu sinni í viku fram til 5. janúar á kostnað Vegagerðarinnar og eftir það einu sinni í viku að beiðni og gegn helmingagreiðslu frá sveitarfélagi þannig að fært sé fyrir fjórhjóladrifin ökutæki og/eða þegar kostnaður við þann mokstur er að jafnaði ekki meiri en þrefaldur sá kostnaður sem til fellur þegar leiðin telst snjólétt.

Vegagerðin metur hvort viðkomandi mokstur sé raunhæfur m.t.t. notagildis og kostnaðar.

Vetrarþjónusta háð ákvörðun sveitarfélags

Vegagerðin hefur skilgreint þá vegi þar sem heimilt er að beita svonefndri Helmingamokstursreglu, sbr. viðauka II, listi yfir helmingarmokstursvegi.

Þá vegi sem þar koma fram er heimilt að moka með kostnaðarþátttöku Vegagerðarinnar að hámarki þrisvar sinnum í viku, meðan fært þykir vegna veðráttu og snjóþyngsla. Vegagerðin greiðir þá helming kostnaðar þegar beðið hefur verið um moksturinn og greiðsla gagnaðila hefur verið tryggð, enda komi moksturinn fleiri vegfarendum til góða en þeim, sem um hann biður. Óskir sveitarfélaga um slíkan mokstur skulu að jafnaði ganga fyrir óskum einstaklinga.

Þjónusta í tengslum við áætlunarflug

Þjóðvegir