Skýringar / Um vefinn

Nýr vefur fyrir vegfarendur. Honum er ætlað að leysa af hólmi eldri færðarkort á vef Vegagerðarinnar. Fyrsta útgáfa vefsins er nútímalegri en fyrri vefur. Kortin eru þysjanleg og veita þannig aðgengilegri upplýsingar um færð og ástand vega. Nútímavæðing kortagrunns og upplýsinga gefur tækifæri á frekari þróun á næstu misserum og stefnan er að taka nokkur stór skref.

Upplýsingar um færð á vegaköflum eru skráðar af starfsfólki Vegagerðarinnar og verktökum hennar um allt land. Þær eru uppfærðar frá kl. 7 til 22 alla daga frá 1. október til 30. apríl en frá kl. 8 til 16 frá 1. maí til 30. september.

Gögn um veður og umferð sem birtast á vefnum eru mælingar úr veðurstöðvum og öðrum mælitækjum Vegagerðarinnar í þjóðvegakerfinu sem og mælingar frá nokkrum veðurstöðvum Veðurstofu Íslands, Landsvirkjunar og sveitarfélögum. Þekjur í kortagrunni eru úr opnu gagnasafni Landmælinga Íslands.

Gögnin eru að mestu aðgengileg í opnum vefþjónustum á gagnaveita.vegagerdin.is